పట్టాలపై పాదయాత్ర
పట్టాల పై పాదయాత్ర
—————————————
కరోనా…?
ఎంతటి దౌర్భాగ్య స్థితి తెచ్చావే ?
పొట్టకూటి కోసం
వలస కూలీలుగా వచ్చినవారు
బతక లేక
మూటముల్లే సదురుకోని
సంకలల్ల బిడ్డల్ని ఎత్తుకొని
సక్కగా రైలు పట్టాలెంబడి
పాదయాత్ర చేసుకుంటూ
వాళ్ళ రాష్ర్టాలకు బోతుండ్లు !
కలో గంజో తాగి
ఈడనే వుందా మనుకుంటే
కరోనా గజ్జున వణికిస్తుండే..
కరుణించే జాడలు లేక
ఆకలికి తట్టుకో లేక
ఉన్నఊరే ఉత్తమమని
నడకను నమ్ముకోబట్టే !
నడక సాగితే మంచిదే
కానీ..!
ఓ పక్క మూటలు
మరో పక్క
అల్లరిచేసే తూటలు
గంటెత్తు కుంటనే
గుంజిసత్తది చేయి
ఇప్పుడు…
ఎన్ని గంటలైతాందో మోయబట్టి !
కరోనా…ఉన్నకాడుండక
చైనా నుంచి ఉరికి వత్తివి
వచ్చిందానివి ఓ మూలనుండక
లోకాన్ని చుట్టేస్థివి
అంతటితో ఆగితివా..?
పాణాలు తీసుకుంట
పరిహాస మాడుతాంటివి !
ఇంకెన్ని రోజులు
నీ ఆటలు కరోనా..?
ఓ మందు , సూదో వచ్చేవరకే
" నవ్విన నాపచేను పండదన్నట్లు "
నిన్ను చంపే టైం దగ్గర్లనే వుంది !!
మా వలస కూలీల
పాదాలకు విశ్రాంతి టైం
అతి దగ్గరలోనే వుంది !!
తాండ్ర చిరంజీవి
వరంగల్ అర్భన్
సెల్ : 9959180762.
Comments
Post a Comment